ឯកឧត្តមបណ្ឌិត រស់ វណ្ណា ចូលរួមមីទិ្ទញរំលឹកខួបលើកទី៣៧ទិវាជ័យជំនះ៧មករា នៅស្រុកអង្គស្នួល
06-January-2016 | ដោយ មួយឡា
កណ្ដាល៖ ឯកឧត្តម បណ្ឌិត រស់ វណ្ណា អនុប្រធានក្រុមការងារថ្នាក់ជាតិ ស្រុកអង្គស្នួលបានអញ្ចើញជាអធិបតីប្រារព្ធពិធី អបអរសាទរ ខួបអនុស្សាវរីយ៍លើកទី ៣៧នៃទិវាជ័យជំនៈ៧មករា (៧មករា ១៩៧៩-៧មករា ២០១៦) ស្ថិតក្នុងវត្តគោករវៀង ឃុំព្រៃពួច ស្រុកអង្គស្នួល នាព្រឹកថ្ងៃទី០៦ ខែមករា ឆ្នាំ២០១៦នេះ។
ពិធីនេះ ក៏មានការអញ្ជើញចូលរួមផងដែរពីសំណាក់ លោក នឹម នីរ៉ាដេត អភិបាលស្រុកអង្គស្នួល ក្រុមប្រឹក្សាស្រុក និងមន្ត្រីការិយាល័យជុំវិញស្រុក មន្ត្រីរាជការ កងកំលាំងប្រដាប់អាវុធ លោក លោកស្រីជាក្រុមការងារគណៈកម្មាធិការបក្សឃុំ សាខាបក្សភូមិ ។
បន្តាប់ពីលោក នឹម នីរ៉ាដេត អភិបាលស្រុកអង្គស្នួលបានអានសាររបស់ សម្តេចអគ្គមហាសេនាបតីតេជោ ហ៊ុន សែន ស្ដីពីការប្រារព្ធពិធីរំលឹកខួបលើកទី៣៧ថ្ងៃជ័យជំនះ៧មករា តាមខ្លឹមសារដើមទាំងស្រុងជូនគណៈអធិបតីនិងសមាជិកសមាជិកានៃអង្គពិធីស្ដាប់រួចមក ឯកឧត្តម បណ្ឌិត រស់ វណ្ណា បានរំលឹកឡើងវិញពីរបបប៉ុល ពត ដែលប្រជាពលរដ្ឋកម្ពុជាគ្រប់រូបត្រូវតែចងចាំនិងជួយនិយាយប្រាប់ដល់កូនៗ ចៅៗបានដឹងពីទុក្ខវេទនាដែលរបបប្រល័យពូជសាសន៍ប៉ុលពតនេះ ក្រោមការដឹកនាំរបស់សម្តេចតេជោ ហ៊ុន សែន បានផ្តួលរំលំរបបប្រល័យពូជសាសន៍ ប៉ុល ពត សង្គ្រោះប្រជាជាតិអោយរស់ឡើងវិញនាថ្ងៃទី៧ខែ មករាឆ្នាំ ១៩៧៩ ជាថ្ងៃកំណើតទី២របស់ប្រជាពលរដ្ឋទូទាំងប្រទេស ហើយបានស្ថិតស្ថេរគង់វង្សនិងរីកចម្រើនរហូតមកដល់បច្ចុប្បន្ន ។
ឆ្លៀតក្នុងឱកាសនោះ ឯកឧត្តម បណ្ឌិត រស់ វណ្ណា បានរំលឹកឡើងវិញពីនយោបាយបោកប្រាស់របស់បក្សប្រឆាំង ស្ថានភាពនយោបាយបច្ចុប្បន្ន ការលើកលែងបង់ពន្ធផ្លូវលើម៉ូតូប្រចាំឆ្នាំ ការបញ្ចុះតំលៃក្នុងការធ្វើប័ណ្ណបើកបរ និងការដោះស្រាយផ្សេងៗទៅតាមស្ថានភាពជាក់ស្ដែងរបស់ថ្នាក់ដឹកនាំ ។
ជាចុងបញ្ចប់ ឯកឧត្តម បណ្ឌិត រស់ វណ្ណា បានថ្លែងពីការបង្កើតគណកម្មាធិការមូលនិធិគាំពារមាតា សំរាលកូនអន្តរឃុំ ដល់ប្រជាពលរដ្ឋដើម្បីលើកទឹកចិត្តដល់ប្រជាពលរដ្ឋក្នុងកំឡុងពេលសំរាលកូន ក្នុងន័យរួមចំណែកកាត់បន្ថយភាពក្រីក្ររបស់ប្រជាពលរដ្ឋទាំងមូលដោយការសំរាលកូន ១ដង នៅមណ្ឌលសុខភាពទទួលបានថវិការឧបត្ថម្ភ ៦០០០០រៀល និង ឃីត ១កញ្ចប់ និងជំរុញដល់អាជ្ញាធរឃុំ មេឃុំ ឲ្យសំរួលសំបុត្រកំណើតដល់ប្រជាពលរដ្ឋផ្ទាល់នៅមណ្ឌលសុខភាព។
ការឧបត្ថម្ភនោះទៀតសោត ឯកឧត្តមបណ្ឌិត បានបញ្ចាក់ថាមិនប្រកាន់និន្នាការនយោបាយទេនិងបានលើកទឹកចិត្ដដល់ប្រជាពលរដ្ឋ ឲ្យចូលរួមភ្ចាប់និស្ស័យតាមសទ្ធាដើម្បីជួយទ្រទ្រង់មូលនិធិគាំពារស្ត្រីសំរាលកូន អន្តរឃុំ ដោយឡែកវិភាគទានសរុបក្រោយការបើកចំហរមូលនិធិ បានចំនួន ១,៥២១,៩០០រៀល និង ៣៥ដុល្លារ និង ថវិកាមូលនិធិដែលមានស្រាប់ ៤២,០៦៥,០០០រៀល សរុបថវិកា ៤៣,៥៨៦,៩០០រៀល និង៣៥ដុល្លារ និង ឯកឧត្តម បណ្ឌិត រស់ វណ្ណា បានឧបត្ថម្ភបន្ថែមចំនួន ២៧,០០០,០០០រៀល មូលនិធិសរុប ៧០,៥៨៦,៩០០ រៀល និង៣៥ដុល្លារ ព្រមទាំងឧបត្ថម្ភស៊ីម៉ងតិ៍ ៥តោនដល់ព្រះចៅអធិការវត្តគោគរវៀងដើម្បីកសាងវត្តទៀតផង៕ ដោយ មែន កំសត់
ចំនួនអ្នកទស្សនា
- ថ្ងៃនេះ2691
- ម្សិលមិញ10901
- សប្តាហ៍នេះ18071
- ខែនេះ39951
- ឆ្នាំនេះ39951
- សរុប20482407